►►දුවේ නුඔ උපදින කිසිම ආත්මයක මෙවන් අවාසනාවන්ත ඉරණමකට ගොදුරු නොවෙවා►►

මල් කැකුළු වන් සුරතල් දරු පැටවුන් ගොදුරට ගන්නා අමානුෂික ලිංගික අපරාධවල අඩුවක් තවමත් දක්නට නැත. මේ නිසාම ලංකාවේ නන්දෙසින් වාර්තා වන මෙවන් අපරාධ ගැන තොරතුරු නිරන්තරයෙන්ම අපට මාධ්‍ය ඔස්සේ අසන්නට දකින්නට ලැබේ. මෙවන් වූ අපරාධ රැල්‍ලේ අලුත්ම, සානුකම්පිත සිදුවීම වාර්තා වූයේ දියතලාව ඇල්ලගම ප්‍රදේශයෙනි. එය වයස අවුරුදු අටක දැරියක රවටාගෙන ගොස්, දූෂණය කර මරා දැමීමක් පිලිබඳ අනුවේදනීය කතාවකි. ‍පොලිස් වාර්තා හා කටඋත්තර වලට අනුව එම සිදුවීම මෙසේය.
දිනය අගෝස්තු මස 19 වැනි සඳුදාය. වේලාව සවස 6.00ට ආසන්නය. හදිසියේම ඉරේෂිකාලාගේ නිවසට ආවේ පවු‍ලේ හිතවතෙකු වූ නලින්ය. ඔහු නිවසට එන විට අට හැවිරිදි ඉරේෂිකා සිටියේ පුංචි බලු පැටවුන් සමග සෙල්ලම් කරමිනි.
“දුවේ” නලින් ඉරේෂිකාට එසේ අමතමින් නිවස තුළට ඇතුළු විය. ඊළඟට ඔහු ඉරේෂිකාගේ මව කුමාරි සමග කුළුපග කතා බහකට වැටුණේය. ටික වේලාවක් කතා කරමින් සිටීමෙන් පසු නලින් කුමාරි අමතා මෙසේ කීවේය.
“මගේ කලිසමක් තියෙනවා ගෙදර. ඒක අරගෙන ඉක්මනට එන්නම්. මම තනියට ඉරේෂිකා දුවව එක්කරගෙන යනවා.”
මෙසේ කියූ නලින් පුංචි දියණිය ඉරේෂිකාගේ අතින් අල්ලාගෙන යනු කුමාරි බලා සිටියේ කිසිදු සැකයකින් තොරවය. ඒ ඔහු ඒ තරමටම පවු‍ලේ සමීප හිතවතෙකු වූ නිසාය.
“දුව මිදුලට වෙලා බලා සිටියේ එයාගේ අයියා කොළඹ ඉඳල එනකම්. එයා දන්නවා අයියා එයාට පැණි රස කෑම මොනවා හරි ගේන බව. එහෙම හිටපු දරුවට තමයි මෙහෙම අපරාධයක් වුණේ.” කුමාරි කෑ ගසා විලාප දෙමින් කීවාය.
නලින් මාමා සමග හුරතල් දඟකාර එකියක ලෙසින් ගමන් කළ පුංචි ඉරේෂිකා බොහෝ වේලාවක් යනතුරු යළි නිවසට නොආවාය. නලින් ගැනද තොරතුරක් නොවීය.
කෙසේ හෝ මෙයින් තැතිගත් කුමාරි ඉරේෂිකාට වැඩිමහල් දියණිය නිවසේ නවතා වහා මීටර සියයක් පමණ දුරින් පිහිටි නලින්ගේ නිවස බලා ආවේ මොවුන් ගැන තොරතුරක් විමසනු අටියෙනි. එහෙත් නලින්ගේ නිවසේ දොරගුළු වසා තිබුණි. කිසිවෙකු එහි සිටිනා බවක් ඉඟියකින්වත් දැනුණේ නැත.
කලබල වූ කුමාරි ඊළඟට දිව ගියේ මඳක් එහාට වන්නට තිබූ කඩ වීදිය දෙසටය. එහෙත් විපරම් කර බලද්දී නලින් සහ දියණිය එහි නොසිටියහ.
කුමාරි යළිත් වහා නිවස බලා ආවාය. ඇය පැමිණෙන විට ඉරේෂිකාගේ පියා මංගලද නිවසට පැමිණ සිටියේය.
“මංගල, අපේ චූටි දුව නලින් එක්ක ගිහින් දැන් සෑහෙන වේලාවක්. තවම ආවේ නැහැ. ගෙදරත් නැහැ.’ කුමාරි කීවේ නොසන්සුන් වූ මනසිනි.
“උඩ ගෙදර ඇති’ එසේ කියූ මංගල දැඩි වෙහෙස නිසා නිදාගන්නට සූදානම් වූයේය.
වේලාව රාත්‍රී 8.30ද පසුවිය. මංගල තද නින්දකය. නලින් සහ දියණිය ඉරේෂිකා ගැන තවමත් කිසිදු ආරංචියක් නැත. කුමාරි අසල නිවසක සිටින තම සොයුරිය සමග ඉරේෂිකා ගැන තොරතුරක් සොයන්නට වෙහෙසෙමින් සිටියාය.
‘උඹ මාර තාත්තා කෙනෙක්. කෙල්ලට මොනව වුණාද කියල හොයන්න අදහසක් නැද්ද?’ මේ මොහොතේ කුමාරිගේ සොයුරියගේ ස්වාමි පුරුෂයාද මංගලට දෝෂාරෝපණය කරන්නට වූවේ ඉරේෂිකා ගැන සොයන්නට තරම් ඕනෑකමක් ඔහු සතුව නැති බව තේරුම් ගත් නිසාය.
“හොයන්න දෙයක් නෑ. නලින් හොඳ එකා. ඌ මට විශ්වාසයි. දුව එක්ක තව ටිකකින් ඒවි.’ මංගල පිළිතුරු දුන්නේ වැඩි තැකීමකින් තොරවය.
නලින් එතරම් යහපත් චරිතයක් තිබූ අයෙකු නොවූ බව කුමාරිගේ සොයුරිය විවාහ වී සිටින තැනැත්තා හොඳින් දැන සිටියේය. එපමණක් නොව ඔහු විවිධ අකටයුතුකම් නිසා කීප අවස්ථාවක් බන්ධනාගාර ගතවී සිටි අයුරුද ඔහු මෙහිදී සිහිපත් කළේය. එමෙන්ම මත්පැන්වලට ඇබ්බැහි වී සිටින ඔහුගේ ක්‍රියාකාරකම් විශ්වාස කිරීම අනුවණකමක් බවද මස්සිනා මංගලට සිහිපත් කළේය.
“ඌ කාට මොනවා කළත් අපිට ඔය වගේ දේවල් කරන්නෙ නැහැ. නලින් හිරේ වැටිල ඉන්න කොට බලන්න ගියෙ මම. ඇඳුම් ටික හෝදලා ගිහිං දුන්නෙ, කෑම ටික ගිහින් දුන්නෙත් මම.” මංගල පුරසාරම් දෙඩුවේ නලින්ව අහස උඩ තබමිනි.
කෙසේ හෝ මේ මොහොත වන විට ඉරේෂිකාගේ වැඩිමහල් සොයුරා කොළඹ සිට නිවස බලා පැමිණ සිටියේ තම සුරතල් පුංචි නැගණියට රස කැවිලි පවා මිලදී ගෙනය.
“දුව මිදුලට වෙලා බලාගෙන හිටියෙත් එයාගේ අයියා එන බව දන්න නිසයි. පැණි රස ගෙනෙන බව දන්න නිසයිි.’ කුමාරි ඇඬූ කඳුළින් නැවතත් පැවැසුවාය.
තවත් මොහොතකින් කුමාරිගේ වැඩිමහල් පුතා, සොයුරිය එමෙන්ම ඇයගේ සැමියා ඇතුළු කීප දෙනෙකු නලින්ගේ නිවස සෝදිසි කරන්නට වූයේ කුමක් හෝ සැලකිය යුතු හෝඩුවාවක් දැනගැනීමේ අටියෙනි. මේ මොහොතේ නිවසේ ජනේලයකින් නලින්ගේ නිවසට ඇතුළු වූ ඉරේෂිකාගේ වැඩිමහල් සොයුරාට දැකගන්නට ලැබුණේ හද සසල කරවන දසුනකි.
“ගෙයි ඇඳ උඩ ඉරේෂාගේ ඇඳුම් තිබුණා. ඒවායේ ‍ලේ පැල්ලම් කීපයකුත් තිබුණා. මේවා දැක්ක හැටියේ අපි දැන ගත්තා දුවට මොකක් හෝ වින්නැහියක් සිද්ධවෙලා තියෙනවා කියලා”
වහා ‍පොලීසිය ඇමතූ ගම්මුන් මේ සිදුවීම වාර්තා කළේ දෙවරක් නොසිතාය. එමෙන්ම මේ අපරාධයේ සුලමුල හා ඉරේෂිකාට සිදුවූයේ කුමක්දැයි ඉක්මනින්ම විපරම් කර බැලීමටය.
කෙසේ හෝ ‍පොලීසිය පැමිණ සෝදිසි කර බැලීමේදී නලින්ගේ නිවසේ සිට මීටර් 200ක් 300ක් පමණ ඈතින් තිබූ කුඹුරකට අයත් පැලක් තුළදී පුංචි ඉරේෂිකාගේ නිරුවත්, නිසල දේහය සොයා ගැනීමට හැකි විය. ඒ ‍පොහොර උරවලින් වසා තිබියදීය.
‍පොලිස් පරීක්ෂණවලට අනුව මෙම අමානුෂික ඝාතනය සිදුව ඇත්තේ පුංචි ඉරේෂිකා කෲර ලෙසත්, වේදනාකාරී ලෙසත් දූෂණය කිරීමෙන් පසුවය. දැරිය දූෂණය වන අවස්ථාවේ ඇතිවූ අධික ‍ලේ වහනයත්, ඇගේ ලිංගික ප්‍රදේශයට දරුණු තුවාල සිදුවීමත් හේතුකොටගෙන මෙම මරණය සිදුව ඇති බව මේ වෙනුවෙන් පැවැති මරණ පරීක්ෂණයේදී හෙළි වී ඇත.
වයස අවුරුදු අටක් වූ, අහිංසක සමනලියක් බඳු ඉරේෂිකා දැරිය මෙලෙස බිහිසුණු කාම අපරාධයකට ගොදුරු කොට මරා දැමුවා යැයි සැක කරන නලින් ඒ වන විට සිටියේ ප්‍රදේශය අතහැර පලා ගොසිනි. දියතලාව ‍පොලීසිය හා බණ්ඩාරවෙල ‍පොලිස් කොට්ඨාසයේ අපරාධ අංශය නිල සුනඛයන් පවා යොදාගෙන සැකකරු අල්ලා ගැනීමට මෙහෙයුමක් දියත් කළේය.
සැකකරුට වැඩි කලක් ‍පොලිසියෙන් බේරී සිටීමට නොහැකි වූ අතර පසුගිය 21 වන දින දියතලාව ‍පොලිසිය විසින් අත්අඩංගුවට ගනු ලැබිණි.
සැකකරු 21 දින රාත්‍රියේ ඔහුගේ මිතුරෙකු වන අමරේ හෙවත් ගංජා අමරේ නමැත්තාගේ නිවසේ සිටියදී මිතුරා විසින්ම දෙන ලද ඔත්තුවක් මත අත්අඩංගුවට ගෙන තිබේ.
සැකකරු තමාගේ නිවසට පැමිණ රාත්‍රියේ කෑමට යමක් ඉල්ලා සිටි බවත්, ඒ අවස්ථාවේ තමා ‍පොලීසියට ඔත්තුව ලබා දුන් බවත් අමරේ නමැත්තා පවසා ඇත.
සැකකරු ‍පොලීසිය හමුවේ තම අපරාධය පිළිබඳ පා‍පොච්චාරණයක් කළ බවද ‍පොලීසිය සඳහන් කරයි. තමා දැරියව තුන්වරක් දූෂණය කළ බවද, මිය ගිය පසුව ද එක්වරක් දූෂණය කළ බවද ඔහු පවසා තිබේ.
21 වැනි දින සවස දැරියගේ අවසන් කටයුතු සිදු කිරීමෙන් පැය කිහිපයකට පසු සැකකරු අත්අඩංගුවට ගන්නට හැකි වූ බව දියතලාව ‍පොලිස් ස්ථානාධිපතිවරයා පවසයි.
ඉරේෂිකා මෙම අතවරයට ගොදුරුව මියගියේ සැකකරුගේ සූක්ෂම උපායත්්, දෙමව්පියන්ගේ පසුගාමී, අපරීක්ෂාකාරී මානසික තත්ත්වයත් නිසා බව දැන් පැහැදිලිය.
බොහෝ ළමා කාම අපරාධවලට හේතුවන්නේ එම දරුවන්ගේ දෙමවුපියන් හා භාරකරුවන්ගේ වගකීමකින් තොර ක්‍රියාමාර්ග බව පසුගිය කාලයේ සිදු වූ බොහෝ අපරාධ දෙස බලන විට බෙහෙවින්ම පැහැදිලි වන කරුණකි. අද අප ජීවත්වෙමින් සිටින්නේ කාමාශාවෙන් උමතු වූ සමාජයක බව අමුතුවෙන් කිව යුතු නොවේ. මල් වැනි සුරතල් දරුදැරියන් ගැන වැඩිහිටියන්, විශේෂයෙන්ම මවුපියන් දැඩි අවධානයෙන් සහ සුපරීක්ෂාවෙන් පසුවිය යුත්තේ එබැවිනි.

 
උපුටා ගැනීම-ඩුබයි අපි පිටුවෙනි

►►මට ඒ අයියට බෑ කියන්න බැරි වුණා►►

යෞවනයේ ගැබ් ගැනීම් පිටු දකින්නේ කොහොමද?




“මට ඒ අයියට බෑ කියන්න බැරිවුණා.”

“එයා මට පණ වගේ ආදරය කළා. එයා තරහ වෙයි කියල මට බය හිතුණා. ඒ නිසයි මම මේකට කැමැති වුණේ”.

“ඇත්තටම මම දැනගෙන හිටියෙ නැහැ මේ වගේ දෙයක් වුණාම දරුවෙක් ලැබෙනවා කියලා”.

“මට එයත් එක්ක එකතු වෙන්න කුතුහලයක් ආසාවක් තිබුණා තමයි. ඒ වුණාට ඒකෙන් මම දරුවෙක් නම් කොහෙත්ම බලා‍පොරොත්තු වුණේ නැහැ”.

මේ කතාවැල කොතැනකින් මතුවූවක්දැයි ඔබ විපිළිසරව සිටිනු නොඅනුමානය. මේ වචන, අදහස් වෙන කාගේවත් නොව අපේම සමාජයේ පාසල් වියේ පසුවන ගැබ්ගත් දැරිවියන්ගේ මුවින් නිකුත් වූ සැබෑම තොරතුරුවලින් බිඳක් පමණි. මෙවැනි අඩිතාලමක් හරහා අප මේ පිවිසීමට බලා‍පොරොත්තු වන්නේ මුළු ලෝකයටම ගැටලුවක් වී තිබෙන නව යෞවන වයසේ සිදුවන ගැබ්ගැනීම් ගැන කතා කිරීමටය.

දැරියන් දහසකගෙන් විසි අටක්ම අඩු වයසින් ගැබ් අරගෙන

මෙවර ලෝක ජනගහන දිනයේ තේමාව වී තිබෙන්නේ ද මේ “නව යෞවනියන්ගේ ගැබ් ගැනීම් වළක්වා ගනිමු” යන්නය. ලොව පුරා නව යොවුන් වියේ පසුවන දැරිවියන් (වයස අවුරුදු 15-19 ත් අතර පසුවන) මිලියන 16ක් ගැබ්ගැනීම්වලට ගොදුරුව, දරුවන් බිහිකරන අතර තවත් මිලියන 3ක් ගබ්සාවලට ලක්වන බව ලෝක සෞඛ්‍ය සංවිධානය වාර්තා කරයි. ලංකාවේ ගැබ් ගැනීම් අතරින් 6.1ක් අඩු වයසින් සිදුවන ගැබ් ගැනීම්ය. වයස අවුරුදු 15-19 ත් අතර ගැහැනු දරුවන් 1000ක ගෙන් 28ක් අඩු වයසින් ගැබ් ගන්නා බව වාර්තා වී තිබේ. 2011 වසරේ අඩු වයසින් ගැබ් ගැනීම නිසා සිදුවූ සංකූලතා හේතුවෙන් මාතෘ මරණ 20ක් සිදුව තිබේ. එසේම 2012 දී එය සංඛ්‍යාත්මකව 11 වේ. නව යෞවන වියේ ඇති වන ගැබ් ගැනීම් අප වළක්වා ගත යුත්තේ ඇයිද යන ගැටලුවට හේතු රාශියක් ඇත. නව යෞවන වියේ පසුවන දැරිවිය තවමත් දරුවෙකි. ඇයගේ සිරුර සේම මනසද සම්පූර්ණයෙන් වැඩුණු එකක් නොවේ. දරුවකු දරා සිටීමට ඇගේ ශරීරය සුදුසුකම් ලබා නැත. එසේම මොළයේ පිහිටි පූර්ව

මස්තිෂ්ක බාහිකය සම්පූර්ණයෙන් වැඩී නොමැති නිසා තීන්දු තීරණ ගැනීම නිවැරදිව කළ නොහැකිය. මේ අය තවමත් වැඩිහිටියන්ගේ භාරයේ සිටිය යුතු දරුවන්ය. බාහිරින් සියලු අඟපසඟ සම්පූර්ණ වී ඇති බව පෙනුණද ඔවුන් මානසික වශයෙන් හෝ ශාරීරිකව පිරිපුන් වැඩිහිටියන් නොවේ. ඔවුන් තීන්දු තීරණ ගන්නේ හැඟීම්වලට අනුකූලව මිස, එයින් අත්වන ප්‍රතිඵල ගැන නිසි දැනුවත් වීමකින් තොරවය. මෙවැනි දරුවන් මෙවැනි අකරතැබ්බවලට ගොදුරු නොවන ලෙස ආරක්ෂාකාරීව රැකබලාගැනීම දෙමාපිය වැඩිහිටියන්ගේ සේම මුළු සමාජයේම වගකීමකි.

වැඩේ වැරදුණාට පසු දැරියන්ට දොස්කීම

“ඔයාට ඕක කරන්න කලින් හිතන්න තිබුණේ නැද්ද මේකෙ ප්‍රතිඵල ගැන?”

මෙවැනි ගැටලුවලට මුහුණදුන් දැරිවියන්ගෙන් වැඩිහිටියන් අසනු ලබන ප්‍රධානම ප්‍රශ්නයයි. එහෙත් මෙවැනි ප්‍රශ්නයක් නැගීමට පෙර මනැස හරිහැටි නොවැඩුණු දැරිවියකට ප්‍රතිඵල දෙස බලා නිවැරදි තීන්දු තීරණ ගැනීමේ හැකියාවක් නොමැති බව වැඩිහිටියන් ලෙස මනාව තේරුම්ගත යුතුය. යමක් සිදුවූ පසු ඔවුන්ට දොස් පැවැරීමට බලා නොසිට එම අකරතැබ්බවලින් ඔවුන් ආරක්ෂා කර ගැනීමට කටයුතු සැලැස්විය යුතුය. මෙවැනි දැරියන්ට වැඩිහිටියන් දොස් පවරන්නේ තම මානසික ආතතිය අඩුකර ගැනීමට බවද අප පිළිගත යුතුය. මෙවැනි ගැටලුවලට මුහුණ පා තිබෙන දැරිවියන් අළලා මෑතකදී කළ පර්යේෂණයකින් මේ අවාසනාවන්ත තත්ත්වයට හේතු වූ කරුණු කීපයක් සොයාගෙන තිබේ. එම අඩුපාඩු හඳුනාගෙන ඒවා අවම කර ගැනීමට කටයුතු කිරීම මුළු සාමාජයේම පරම යුතුකමක් බව කිව යුතුමය.

අඩු වයසින් පාසලින් සමු ගැනීම ද හේතුවක් අඩු වයසින් ගැබ්ගන්නා දැරියන්ගෙන් 60ක් පමණ දරිද්‍රතාවයෙන් පීඩා විඳින්නියන් වේ. එසේම මින් 3/4 ක් පමණ දිගින් දිගටම දරිද්‍රතාවයේ ගොදුරු බවට පත්වෙයි. මේ දැරිවියන් අතරින් බහුතරයක් වයසට කලින් පාසලින් සමුගත් අයයි. පාසල් අධ්‍යාපනය අතරමග නවතා දැමීම, මෙවැනි අවදානම් චර්යාවලට යොමුවීමේ ඉඩ ප්‍රස්ථා වැඩි කරයි. එබැවින් පාසල් සමය සම්පූර්ණයෙන්ම නිම වන තුරු දැරිවියන් පාසල්වලට සීමාකර තැබිම විශේෂයෙන් කළයුතු වූවකි. ඔවුන් විෂය කරුණු ඉගෙන ගත්තා හෝ නැතුවා පාසල තුළ සිටීමම මෙවැනි ආපදාවලින් ආරක්ෂාවට හේතුවෙයි. එසේම පවුල් සංස්ථාව තුළ ඇතිවන බිඳවැටීම් දැරිවියන් මෙම තත්ත්වයට තල්ලු කර දැමීමක් විය හැකිය. හැකි හැම විටම පවුල තුළ සතුට සමගිය ආරක්ෂා කර ගෙන කටයුතු කිරීමට මව්පිය දෙදෙනාම වගබලාගත යුතුය. ගෘහස්ථව සිදුවන හිංසා පීඩා නිසාද සමහර දැරිවියන් මෙවැනි අකරතැබ්බවලට ගොදුරු වෙයි. විශේෂයෙන්ම නව යෞවන කාලය තුළ සතුට අත්විඳින්නට සතුටින් ජීවත් වීමට අවශ්‍ය වටාපිටාව සකස්කර දීම ඉතාම අත්‍යවශ්‍ය කරුණකි.

මවගෙන් දුරස්වීමද මෙවැනි අනතුරුවලට මුලක්

එසේම ජීවිතයට කිසියම් ඉලක්කයක් හඳුන්වා දී ඒ ඔස්සේ ගමන් කිරීමට දරුවන් පුහුණු කළ යුතුය. යොවුන් දරුවන්ට විනෝදාංශ හඳුන්වා දිය යුතුය. එසේම මෙවැනි ගැටලුවලට මුහුණ දුන් බොහෝ දැරිවියන් මවගෙන් බොහෝ ඈත්ව සිට ඇති බව පෙනේ. දැරියකට මවක් යෙහෙළියක් ලෙස සමීපව කටයුතු කිරීම අත්‍යවශ්‍ය වූවකි. ඔවුන්ගේ සිතට කිසියම් ගැටලුවක් මතු වූ විට එය පැවැසීමට කෙනකු සිටිය යුතුය. එසේම ඉතාම වැදගත්ම කරුණ වන්නේ තරුණ දුවකට කිසියම් තරුණයකු එවැනි යෝජනාවක් කළ විට එයට එකඟ විය නොහැකි බව පැවැසීමට අවශ්‍ය ආත්ම ශක්තිය ගොඩනැංවීමය. එවැනි යෝජනාවකට “නැහැ” “මට බැහැ” “ඒක කොහෙත්ම බැහැ” වැනි සෘජු පිළිතුරක් ලබාදීමට දැරිවියක පුරුදු පුහුණු කිරීම කුඩා කාලයේ සිටම කළ යුත්තකි. කෙළින් තම අදහස ප්‍රකාශ කරගත නොහැකිව සිතින් තැවෙමින්, අකමැත්තෙන් මෙවැනි යෝජනාවලට එකඟ වී මුළු ජීවිතයම අඳුරු කරගත් චරිත ඕනෑ තරම් අපට හමුවෙයි. පෙම් සබඳතා අහිතකර නොවන බවත් ඉන් ඔබ්බට ගොස් ඒවා ලිංගික හැසිරීම් දක්වා වර්ධනය කරගැනීම මගින් ජීවිතයට අත්විය හැකි අඳුරු ඉරණම ගැන දරුවා දිගින් දිගටම දැනුවත් කිරීම කළ යුතුය. යොවුන් දරුවන්ගේ සිතැඟි වටහා ගනිමින් ඔවුනගේ ප්‍රශ්න ගැටලුවලට පිළිතුරු සොයාදීමට කටයුතු කරමින් ඔවුන් හා සමීපව දිවි ගෙවීම මෙවැනි ගැටලු අවම කර ගැනීමට මනා පිටිවහලක් වෙයි.


සෞඛ්‍ය අමාත්‍යංශයේ සෞඛ්‍ය අධ්‍යාපන හා ප්‍රචාරක අංශයේ අධ්‍යක්ෂිකා ප්‍රජා විශේෂඥ වෛද්‍ය නීලමණී රාජපක්ෂ හේවාගීගන විසිනි


(සෞඛ්‍ය අධ්‍යාපන කාර්යංශයේ දී කළ දේශනයක් ඇසුරිනි)


සටහන නිර්මලා කුමාරි සේනාරත්න


lakbima

►සිව්දරු පියා දහතුන් වියැති දියණියව අට වසරක් කෙළෙසලා►

තම දියණිය මංමුලා කරමින් අට වසරක් පුරා තම දියණිය දූෂණය කළ පියෙකු පානදුර පොලිසිය විසින් පසුගිය 09 වැනිදා අත්අඩංගුවට ගෙන පානදුර මහේස්ත්‍රාත් අධිකරණයට ඉදිරිපත් කිරීමෙන් අනතුරුව පානදුර වැඩබලන මහේස්ත්‍රාත් ජයන්ති පීරිස් මහත්මිය විසින් මෙම සැකකරු මේ මස 19 වැනිදා තෙක් රක්ෂිත බන්ධනාගාර ගතකිරීමට නියෝග කළාය.
මෙලෙස රක්ෂිත බන්ධනාගාරගත කරනු ලැබුවේ පානදුර මාදුපිටියේ පදිංචි සිව්දරු පියෙකි. මෙම පියා විසින් දියණියට විටින් විට නොයෙක් අසභ්‍ය චිත්‍රපටි හා සඟරා පෙන්වමින් දියණිය විටින් විට දූෂණයට පත් කර ඇතිබව පොලිසිය පවසයි.
සිද්ධිය සම්බන්ධන් මෙම දියණිය පොලිසියට පවසා ඇත්තේ දැන් ඇයට වයස අවුරුදු 13 ක් බවත් ඇගේ මව විදේශගතව ඇති බවත් අනිකුත් සොයුරියන් තිදෙනා බලාගත්තේ මෙම දියණිය හා ඇගේ ආච්චි අම්මා බවත්ය. තවද ආච්චි අම්මා නිවසේ නොමැති අවස්ථාවල තම පියා තමා සමග ලිංගිකව හැසිරෙන බවද ඇය පොලිසියට පවසා ඇතැයි පොලිසිය කියයි. පොලිසියට ලැබුණු රහසිගත තොරතුරකට අනුව මෙම සැකකරු අත්අඩංගුවට ගැනීමට හැකිවූ බව පොලිසිය පවසයි. පොලිසිය විසින් සැකකරු අත්අඩංගුවට ගැනීමේ දී මෙම සැකකරුගේ නිවසේ තිබී උපත් පාලන කොපු 7 ක් හා අසභ්‍ය සඟරා කිහිපයක්ද සොයා ගැනීමට හැකි වූ බව පොලිසිය පවසයි.
මෙලෙස දූෂණයට ලක්වූ දැරිය පානදුර කේතුමති රෝහලේ ප්‍රතිකාර ලබමින් සිටින අතර සිද්ධිය සම්බන්ධයෙන් පානදුර අපරාධ අංශයේ ස්ථානාධිපති ඉන්ද්‍රජිත් මහතාගේ උපදෙස් මත ළමා හා කාන්තා කාර්යංශයේ නිලධාරින් වැඩිදුර පරික්ෂණ සිදුකරනු ලබයි.






එම්.පී.මනෝජ් කුරේ - මොරටුවlakbima

◄ සැබෑ මිතුරා ►

එක්තරා ධනවත් තරුණයෙකුට මිතුරන් 1000 ක් සිටියා. තරුණයා සතුදේ මේ යහළුවන් සමග බෙදා හදාගන්න ඔහු පුරුදුව සිටියා. ඒපිළිබඳව ඔහුගේ මව සිටියේ කනස්සල්ලෙන්. දිනක් මෙය නවතා දමන ලෙස ඇය ඔහුගෙන් ඉල්ලීමක් කලා.

කන්‍යාභාවය විකිණූ කැතරිනා නිරුවතත් විකුණයි

කන්‍යාභාවය විකිණූ කැතරිනා නිරුවතත් විකුණයි

පහුගිය අවුරුද්දෙ සැප්තැම්බර් මාසයේදී තමන්ගේ කන්‍යාභාවය ප්‍රසිද්ධ වෙන්දේසියේ විකිණූ බ්‍රසීල ජාතික කෙල්ලක් ගැන ලෝකය පුරාම ප්‍රචලිත වුණා. ඇය බ්‍රසීල ජාතික ශිෂ්‍යාවක වන කැතරිනා මිග්ලියෝරිනි. ඇගේ කන්‍යාභාවයට ඩොලර් 780,000ක ලංසුවක් තබන්නට ජපන් ජාතිකයෙක් සමත් වුණේ තවත් තරග කරුවන් 14ක් පරාජයට පත් කරමින්.. මෙහි ඇති විශේෂත්වය කන්‍යාභාවය විකිණීම නොවේ.. ලොකයේ වැඩිම මුදලකට කන්‍යාභාවය අලෙවිවු අවස්ථාව එය නිසයි. ඒ කියන්නේ මීට පෙරත් තමන්ගේ කනාභාවය විකිණූ කෙල්ලන් ඉඳල තියෙනවා.. කන්‍යාභාවය විකිනීමෙන් පසුව ඇය නියමිත පරිදි ඇගේ කන්‍යාභාවය අර කිව්ව ජපන් ජාතිකයාට ලබා දෙන්නට ඇතැයි හිතමු.. මන්ද ඒ ගනුදෙනුව ගැන් ඊට පස්සේ කිසිම හාවක් හුවක් නැති නිසාය.. කැතරිනාට දැන් මොකද වෙලා තියෙන්නේ කියාල හොයල බැලුවාම ඇගේ අලුත් විස්තරයක් දැන ගාන්නට ලැබුණා ඡායාරූප ගොඩකුත් එක්ක.. මන් හිතන්නේ මේ ගැන මීට පෙර සිංහලෙන් ලියවිලා නැතුවත් ඇති.. තමන්ගේ කන්‍යාභාවයට අති විශාල මිලක් නියම කර ගත් කැතිරිනා තමන්ගේ නිරුවත් ශරීරයටත් විශාල අගයක් ලබා දෙන්න සමත් වෙලා.. ඈ ඇගේ සම්පූර්ණ නිරුවත් ඡායාරූප පෙළක් ලෝ ප්‍රකට නිරුවත් ඡායරූප සඟරාව වන PLAY BOY සඟරාවේ බ්‍රසීලියානු සංස්කරණයට ලබාදීල තියෙනවා.. පසුගිය ජනවාරි කලාපයේ මෙම ශෘංගාරත්මක ඡායාරූප එකතුව පළ කරල තියෙන්නේ ලොකු ගනුදෙනුවකට කියලා පැවැසුනත් ගාන කීයද කියලා දැන ගන්නට නැහැ. ගැහැනියගේ කන්‍යාභාවයට නිරුවතට මෙතරම් මිළක් නියම වන්නේ ඇයි කියන එක විවාදාත්මක කාරනයක්..එක එක අය එක එක විදිහට මේ කාරණයට උත්තර බදිනව.. මට සරළවම කියන්න තියෙන්නේ මේක පිරිමින්ගේ upset එකක් කියල විතරයි. කැතරිනාට තමන්ගේ කන්‍යාභාවයට ,නිරුවත් ශරීරයට ඉහළ වටිනාකමක් ලබා ගන්නට පුලුවන් උනත් අපේ රටේ ප්‍රශ්නය කන්‍යාභාවය තමන්ගේ අයිතියක් කියල කිසිම ගැහැනියකට කියන්න බැරි තරමට තත්වය ඛේදජනක වීමයි.. රන්දි කි‍ඳෙල්පිටිය තෝරාගත් Play Boy brazil - images කිහිපයක් මේ ..(සංස්කරණය කරන ලදී. 16+ නම් මැනවි..ඒත් තමුන්ගේ හිරි ඔතප් බිඳේ යැයි සිතෙන්නේ නම් නොබලනු.. ඊට අපගේ වගකීමක් නැත)

කෝටි 10කට කන්‍යාභාවය විකිණූවා කිව් කැතරිනා තවමත් කන්‍යාවක්‌ !

        

තමන්ගේ කන්‍යාභාවය ලොව වැඩිම මුදලකට විකුණා දැමු තරුණිය ලෙසා පසුගිය කාලයේ මහත් ආන්දෝඅලනයක් ඇතිකළ  කැතරිනා මිග්ලිඕරිනි නම් බ්‍රසීල ජාතික තරුණිය  තමන් ‍රැවැටීමකට ගොදුරු වූ බව පසුගියදා හෙළි කර තිබුණි. එසේම ඇය තවමත් කන්‍යාවියක් බවත් ඇය පැවැසුවාය. කැතරිනා මිග්ලිඕරිනි (Catarina migliorini) නමැති  තමන්ගේ පවිත්‍රත්වයේ සම්පත වන කන්‍යාභාවය රුපිල් දස කෝටියකට නොහොත් ඩොලර් 780,000 ට ජපනකු වෙනුවෙන් අලෙවි කළ බව කියැවිනි.  මෙම පුවත පළ වී මාස අටකට පසු, පසුගිය සතියේ යළිත් වරක්‌ කන්‍යාභාවය විකුණූ එම දැරිය ගැන අලුත්ම පුවතක්‌ ලන්ඩනයේ "ඩේලි මේල්" පුවත්පතින් අපට අසන්නට ලැබිණි. කිසියම් පිරිසකට රැවටී මෙම දැරිය තම කන්‍යාභාවය නැති කරගෙන ඇති බව එම පුවතින් වැඩිදුරටත් කියැවිණි. සමස්‌ත ලෝක ජනතාවම විශ්මයට පත් කළ එම කතාවේ අලුත්ම තොරතුරු ඔබට දැන ගැනීම සඳහා මෙසේ සටහන් කරමු. ජස්‌ටින් සිස්‌ලේ (Justin siselly) ඕස්‌ට්‍රේලියානු ජාතික චිත්‍රපට නිෂ්පාදකවරයෙකි. ඔහු "වර්ජින්ස්‌ වෝන්ටඩ්" (Virgins Wanted) නොහොත් 'කන්‍යාවන් ඕනෑ' නමින් චිත්‍රපටයක වැඩ පසුගියදා ආරම්භ කළේය. මෙම චිත්‍රපටයට හැබෑ ලිංගික සංවාස ජවනිකාවක්‌ ඇතුළත් කිරීමට නිෂ්පාදක ජස්‌ටින් සිස්‌ලේට අවශ්‍ය විය. ඒ සඳහා ඔහු අන්තර්ජාලය ඔස්‌සේ කන්‍යාවකගේ කන්‍යාභාවය අලෙවි කිරීමේ වෙන්දේසියක්‌ ආරම්භ කළේය. එතැනින් නොනැවතුන ජස්‌ටින් සිස්‌ලේ ඔස්‌ට්‍රේලියාවේ සිඩ්නි සහ මෙල්බර්න් නගරවල ද විශාල දැන්වීම් පුවරු ප්‍රදර්ශන කරමින් "කන්‍යාවන් උවමනායි" කියා සිටියේය. අන්තර්ජාලයේ පළ වී තිබුණ මෙම වෙන්දේසියේ තොරතුරු දුටු බ්‍රසීලයේ භෞතික විද්‍යාව හදාරන ශිෂ්‍යාවක වන කැතරිනා මිග්ලිඕරිනි තමන්ගේ කන්‍යාභාවය වෙන්දේසියේ විකිණීමට කැමැත්ත පළ කර සිටියාය. මෙම වෙන්දේසියේදී කැතරිනාගේ කන්‍යාභාවය විකිණී ඇත්තේ ඩොලර් 780000 ට නොහොත් අපේ මුදලින් රුපියල් දස කෝටි දාහතර ලක්‍ෂයකටය. විසිහැවිරිදි කැතරිනාගේ කන්‍යාභාවය ලබා ගැනීම සඳහා මෙම වෙන්දේසියේදී ලන්සු පහළොවක්‌ ඉදිරිපත් වූ අතර ඇය අලෙවි වී ඇත්තේ පහළොස්‌වැනි ලන්සුවටය. ඇය මිලදී ගෙන ඇත්තේ ජපනෙකි. "නට්‌සු" නමින් පෙනී සිටි මෙම ජපනා ඔහුගේ නියම නමින් පෙනී නොසිටියේය. මෙම වෙන්දේසියෙන් පසු චිත්‍රපට නිෂ්පාදක ජස්‌ටින් සිස්‌ලේ කියා සිටියේ ඔස්‌ට්‍රේලියාව බලා පිටත්ව යන ගුවන් යානයකදී මෙම කන්‍යාව, ඇයව මිලදී ගත් පුද්ගලයාට භාර දෙන බවය. ඇයගේ කන්‍යාභාවය සිඳීමට පෙර හා පසුව වන සිද්ධීන් ඉතා රහසිගත ස්‌ථානයකදී ඇය මුණගැසී දැන ගන්නා බව ද නිෂ්පාදක ජස්‌ටින් කියා සිටියේය. මේ අතර තම කන්‍යාභාවය විකිණීමේ ගනුදෙනුව ගැන 'Huffington Post' නමැති පුවත්පතට ප්‍රකාශයක්‌ කරන කැත්රිනා "ජස්‌ටින් සිස්‌ලේ මාව මුලා කළා. මම ඔවුන්ට රැවටුණා මං හිතනවා සිස්‌ලේ මාව පමණක්‌ නොවෙයි තවත් බොහෝ දෙනෙක්‌ රවට්‌ටලා තියෙනවා කියල...." යැයි කියා ඇත. මෙම කන්‍යාභාව ගනුදෙනුව ගැන වැඩිදුරටත් කරුණු දක්‌වන කැතරිනා, මෙම වෙන්දේසිය සංවිධානය කළ චිත්‍රපට නිෂ්පාදක ජස්‌ටින් සිස්‌ලේ තමන්ට දෙනවා යෑයි කී මුදලෙන් (ඩොලර් හත්ලක්‍ෂ අසූ දහ) සතයක්‌වත් මේ දක්‌වා ලැබී නැතැයි ද කියා සිටියි. කන්‍යාභාවය විකිණීමේ ගනුදෙනුවට තමා කැමැති වුවත් තමන් තවමත් කන්‍යාවක්‌ බව කැතරිනා වැඩිදුරටත් සඳහන් කරයි. තමන් කන්‍යාභාවය විකිණීමට කැමැති වූයේ එක්‌ පරමාර්ථයක්‌ මුල් කරගෙන යැයි කියන කැතරිනා මෙම මුදල් තමන්ට ලැබුණේ නම් නිවසක්‌ නැති දුගී පවුල් කීපයකට නිවාස කීපයක්‌ තනාදීමට තමන් සැලසුම් කර තිබුණේ යෑයිද කැතරිනා වැඩිදුරටත් කියා සිටියි. කැතරිනා තම කන්‍යාභාවය වෙන්දේසියේ අලෙවි කිරීමට ඉදිරිපත් වූයේ හොඳ පරමාර්ථයකින් වුවත් මුළු ලෝකයාම ඇය දෙස බැලුවේ වපර ඇසකිනි. මුළු ලෝකයාගේම අපවාදය ඇය වෙත එල්ල වූයේ ඉන් පසුවය. වෙසඟනකට හැර වෙන කෙනකුට මෙවැනි දෙයක්‌ කළ නොහැකි බව ඔවුහු චෝදනාකර සිටියහ. ඇත්ත වශයෙන්ම ඇය වෙසඟනකැයි ඔවුහු වැඩිදුරටත් කියා සිටියහ. මෙම වෙන්දේසිය නිසා තමන් ලෝක අපවාදයකට ලක්‌වී සිටින බව දන්නේ යෑයි 'Folha' නමැති පුවත්පතට ප්‍රකාශයක්‌ කරමින් කියා සිටි කැතරිනා තමන් එවැනි ගැහැනියක්‌ නොවේ යැයිද කියා සිටියාය. "මේ වෙන්දේසිය ඒ අයගේ බිස්‌නස්‌ එකක්‌. මෙයට ඉදිරිපත් වීමෙන් මට ලෝකය පුරා කරක්‌ ගැසීමටත් චිත්‍රපටයක රඟපෑමටත් ලැබෙනවා.... එපමණක්‌ නොවෙයි.. චිත්‍රපටයේ රඟපාල මට වෙනම මුදලක්‌ හොයා ගන්නත් පුළුවන්කම තිබුණා" ඇය 'Folha' පුවත්පතට කියා සිටියාය. මෙම වෙන්දේසියෙන් පසු තමන්ගේ කන්‍යාභාවය මිලදී ගත් "නට්‌සු"නමැති ජපන් කාරයා හමුවීම සඳහා සිඩ්නි නගරයේ අවන්හලකට ගිය බව කියන කැත්රිනා එහිදී තමන්ට මුණ ගැසුණේ කැත පුද්ගලයකු බව ද චිත්‍රපට නිෂ්පාදක ජස්‌ටින් සඳහන් කළ රූප ලක්‍ෂණ ඔහුට නොතිබුණේ යැයි කියා සිටියාය. "මේ නිසා නට්‌සු සහ තමන් අතර කිසිම ලිංගික සංවාසයක්‌ නොවූ බව ද ඇය වැඩිදුරටත් කියා සිටියාය. මෙම වෙන්දේසියේදී චිත්‍රපට නිෂ්පාදක ජස්‌ටින් සිස්‌ලේ තමන්ට දීමට පොරොන්දු වූ මුදලෙන් සතයක්‌වත් නොගෙවූ බව කියන කැතිරිනා. තමන් නට්‌සු හමුවීම සඳහා ඔස්‌ට්‍රේලියාවට ගිය ගමන් වියදම්වත් නොදුන් බව කියා සිටියාය.." මොහු ප්‍රොඩාකාරයෙක්‌... මොහු මේ වෙන්දේසිය සංවිධානය කරල තිබුණේ ඔහුගේ චිත්‍රපටයට ප්‍රචාරයක්‌ ලබා ගැනීමේ අරමුණින් බව දැන් පැහැදිලිය. මගේ කන්‍යාභාවය අලෙවි කිරීමේ මුවාවෙන් ජස්‌ටින් ඔහුගේ චිත්‍රපටයට හොඳ ප්‍රචාරයක්‌ ලබා ගත්තා. අනිත් කාරණය තමයි මාව අලෙවි කළ ජපන්කාරයා "නට්‌සු" නමැති පුද්ගලයෙක්‌ මාව මිලදී ගත් බව චිත්‍රපට නිෂ්පාදක ජස්‌ටින් කියතත් එහෙම කෙනෙක්‌ සිටියේ නැති බව දැන් මට පැහැදිලියි". මෙම වෙන්දේසිය නිසා කැතරිනා මිග්ලිඕරිනි නමැති භෞතික විද්‍යාව හදාරන ශිෂ්‍යාවට ලෝක ප්‍රසිද්ධියක්‌ ලැබුණ බව ඇත්තකි. මෙම වෙන්දේසිය නිසා තමන් වංචාකාරයන් පිරිසකට අසු වූ බව ඇය වැඩිදුරටත් කියා සිටියාය. ( noc) මෙතැනින් බලන්න >> කන්‍යාභාවය විකිණූ කැතරිනා නිරුවතත් විකුණයි

ඔවුන්ගේ අදරය පිවිතුරුය.එසේනම් සිදු වුයේ කුමක්ද?

                                      ඇය ඔහුට ඇගේ පන මෙන් ආදරය කලාය.ඔවුන් ජීවත වූයේ ඔව්න්ගේම ලෝකයක් තනාගෙනය.ඔවුන්ගේ මෙම ආදරය උසස් පෙල ආරම්භ වීමත් සමග තවත් දලු ලා වැඩැන්නට විය.ඔවුන් දිනක් ඔව්න්ගේ අදරයේ සිමාවෙන් වලින් ඕබ්බට පැන ගියේය.දිනක් පන්තියේ ගුරුවරයාට පන්තියට පැමිනීමට නොහැකි වුවේය..එදින මොව්න් දෙදනා පන්ති අවසන් වේලාව පැමිනෙන තුරු ලැගුම්හලක ගතකලේ තම ජිවිතයේ සුන්දරම හෝරාවන් කිහිපය එය යයි සිතමිනි.එම හෝරාවන් අතරතුර පෙම්වතාගේ දුරකතනයෙන් ඇගේ පින්තුර කිහිපයක් ගත්තේ ඇයගෙ අනුදැනුමද ඇතිවය.ඔව්න් දෙදෙනාගේ සිතේ ආදරය මිස වෙන කිසිවක් නොවිය.. දින සති ගෙවි ගියේය.ඔව්න්ගේ බැදීම් තවත් වැඩි විය. දින සති ගෙවි ගියේය.ඔව්න්ගේ බැදීම් තවත් වැඩි

විය.ඔව්න් නිතර නිතර ඒසේ මුන ගැසුනේය.තව තවත් පින්තුර හා විඩියෝ ඔහුගේ දුරකතනයේ සටහන් විය.එක දිනක් ඔහුගේ දුරකතනය බිම වැටී ක්‍රියවිරහිත වීම හෙතුවෙන් ඔහු එය දුරකතන වෙලදසැලකට
ගෙනගොස් දෝෂය නිවරදි කරගැනීමට ලබාදී අවේය.වෙලදසැලෙහි සිටි අයියා එය ගෙනගොස් දොෂය නිවැරදි කර ටිකක් දුරකතනය පරික්ෂා කිරිමේදී ඔහුගේ ඇස් වලට මෙම ජායාරුප හසුවුයේය.. මොහු එම ජායරුප හා වීඩීයෝ සියල්ලම ඔහුගේ දුරකතනයට ලබාගත්තේ තාක්ෂණයේ දියුනුවේ ආදාරයෙනි.පෙම්වතා දුරකතනය ‍රැගෙන ගෙදර ගියේ තම පෙම්වතිය සමග මලක් 2ක් කැඩිමටය..වේලදසැලෙහි අයියා ගෙදර ගියේ ජායාරුප හරි ආකාරයට බලා ගැනිමටය..

ඔහු ගෙදර ගොස් සියල්ල බලා අනුන්ගේ සතුටින් ඔහුද යම් සතුටක් ලබුවා පමනක් නොව තම මිතුරන්ටද ඒව පෙන්වුයේ ඛෙදාහදා ගැනීම තනිවම බුක්ති විදිනවාට වඩා වටින නිස වෙන්නට පුලුවන.මෙසේ කලය ගත වුනේය.ඔහු හා ඇය මේ කිසිවක් සිහිනෙකින්වත් සිතා සිටියේ නැත.තාක්ෂණයේ දියුණුවටද පින්සිද්ධ වන්නට ජයාරූප සහ වීඩීයෝ රටපුරා හා අන්තර්ජතිකවද විසීරී ගියේය.ටිකෙන් ටික ඇය පරේ යනවිට කොල්ලන් විහිලු කිරිමටද,පස්සෙ ඒමටද පටන්ගත්තේය.එහෙත් ඒවා ඇය එතරම් ගනන්ගත්තේ නැත.

එහේත් හදිසියේ ඇගේ අයියා නිවසට පැමින යාකා නටන්නට විය.ඔහු ඇයට තම දුරකතනයෙන් දමා ගසා කියුවේ ලබලපන් උඛෙ හපන්කම්ල කියාය. ඇයට කිසිත් අදහාගත නොහැකිව දුරකතනය දෙස බැලුවේය.එහි තිබුනේ ඇයගේ පෙම්වතා විසින් ලබගත් ජායරුපය.ඇගේ මවද මෙ කලබලය ඇසි දිවවිත් දුරකතනය උදුරා බැලුවේය.අම්මාට මතක එපමනය.මව සිහිසුන්ව වැ‍ටුනාය.මවට සිහිය එන විට ඇයගේ ආදරනීය දියනිය මෙලොව සමුගෙනය.ඇයගේ පෙම්වතාද ඇය සියදිවිනසාගැනිම නිසා සියදිවිනසගෙන ඇත.ඔවුන්ගේ අදරය පිවිතුරුය.එසේනම් සිදු වුයේ කුමක්ද?

සිදුවුයේ ඔවුන්ගේ සිමාවෙන් එහාට යාමද?

සිදුවුයේ වෙලදසැලේ අයියා අහින්සක ජිවිත විනාශ කල එකද?

සිදුවුයේ තාක්ෂණයේ දුයුණුවේ ආනිසන්සද?

නැත මම සිතනා පරිදි සිදුවුයේ..

අදරයෙන් හැදු දරුවන් දෙදෙනෙකු අහින්සක දෙමාපියන්,සහෝදර සහෝදරියන්ට අහිමවීම

ඔව්න් ඉගෙනුම ලැබූ පාසල්වල කීර්තිනාමය බිදවැටීම

රටට යහපත් පුරවැසියන් දෙදෙනකු නැතිවීමත්ය.

එය සිදුවුයේ කලින් සදහන් කල හෙතු නිසාය..

දැන් අපිට ඒ පිලිබදව කලහැකි කිසිවක් නොමැත.එහෙත් අපිට කලහැකි දෙයක් ඇත.එනම්..

අම්මේ තාත්තේ - ඔබේ දරුවන් පිලිබදව හොද සැලකීමෙන් ජීවත් වෙන්න.ඔව්න් පිලිබදව හොද අවධානයක් දෙන්න.ඔව්න් සමග සුහදසීලිව ඉන්න.ඔව්න්ට හොද නරක කියා දෙන්න.

ඔහු / ඇය - ආදරේ කරන්න, ආදරේ විදින්න, ඒත් සීමාවෙන් එහාට යන්න ඒපා.ඒම යනවනම් දෙමපියන් ගැනත් හිතන්න.ආදරේ කරනකෙනාගෙ ජායරූපයක් තියගන්න.ඒත් ඒ ජයාරුපය ඔයාගේ අදරේට ගැලපෙන,අදරේ කරන කෙනාට කිසි හානියක් නොවෙන 1ක් වෙන්න වගබල ගන්න..

අයියේ / අක්කේ- මේ වගේ වෙලවකදී කලබල වෙන්න එපා.මේ වගෙ වෙලවකදි ඔයල එයලා ලගින් ඉන්න ඕන. නැතිනම් එයාල තනි වෙනවා.කලබල නොවි මේ වවෙලවෙදි වැඩ කරන්න,ඔයාලට පුලුවන් එයලට හොදනරක කියල දෙන්න..

මේ කථාවේ වෙලදසැලෙ ඉන්න අයියල වගේ අය - ඔයාලා මොනදේ කරත් ඊට කලින් ටිකක් හිතන්න වෙන්න පුලුවන් දේ ගැන.ඒ වගේ දෙයක් දැක්කොත් බලන 1 සදාරනයි කියමුකො.ඒ මිනිස්සුන්ගේ හැටි කියමුකෝ.ඒත් අයියේ මේ දේ ඔයගේ නදගිට,අක්කට හරි දුවෙකුට හරි උනොත්..? මොනද ඔයාටත් හිතේන්නේ?

දෙයක් උනාම කෑගහනවට වඩා වෙන්න කලින් වලක්වන 1 හොදයි කියලයි හිතන්නේ.ආයේ මේ වගේ දේවල් වෙන 1 වලක්වන්න හිත්ක් තියෙනම් හරි කැමැත්තක් තියෙනම් හරි අනිත් අයටත් මේක බලන්න ීය්රු කරන්න.. අද වෙන කෙනෙකුට උන දේ හෙට ඔයාට,ඔයාගේ අක්කට,නදගිට,දුවට,නෑදෑයෙකුට,යාළුවෙකුට උනත් වෙන්න පුලුවන්.ඒනිස සාමාජය දැනුවත් කරන්න අපි සමග එකතු වෙමු..

උපුටා ගැනීම rusithuwam  බොලොගෙයනි

මාස 06 ත් මාස 12 ත් අතර දරුවන්ට සරම්ප එන්නත වහා ලබා දෙන්න (vaccination for sri lanka )

 

රටපුරා කුඩා දරුවන් අතර මේ වනවිට සරම්ප රෝගය වසංගතයක් ලෙස පැතිර යාමට පටන් ගෙන ඇති බැවින් මාස 06 ත් මාස 12 ත් අතර දරුවන්ට සරම්ප එන්නත වහා ලබා දීමට සෞඛ්‍ය අමාත්‍ය තීරණය කර තිබේ. රෝගයට ගොදුරු වූ දරුවන් 500 කට අධික පිරිසක් මේ වනවිට හමු වී ඇති බැවින් ඔවුන්ගෙන් කීප දෙනෙකුගේ රෝග තත්ත්වය නියුමෝනියා දක්වා වර්ධනය වී ඇති බවත් ඔවුන්ට ප්‍රතිකාර ලබා දී සුවපත් කළ බවත් සෞඛ්‍ය සේවා අධ්‍යක්ෂ ජනරාල් වෛද්‍ය පාලිත මහීපාල මහතා සඳහන් කළේය.

නියුමෝනියා තත්ත්වය වැඩි වර්ධනය වුවහොත් කන් බිහිරී වීම, මොළයට හානි වීම, පාචනය, අන්ධවීම වැනි දරුණු තත්ත්වයන් පවා ඇති විය හැකි බව අද (01) වසංගත රෝග විද්‍යා අංශයේ පැවැති මාධ්‍ය හමුවකදී හෙළිදරව් විය.

ඒ අනුව දිවයින පුරා සිටින වයස මාස 06 ත් 12 ත් අතර වයස් කාණ්ඩයේ පසුවන දරුවන්ට සරම්ප එන්නත ලබා දීම ජුලි 05 වන දින උදේ 9.00 සිට සවස 4.00 දක්වා කාලය තුළ සියළුම සෞඛ්‍ය වෛද්‍ය නිලධාරී කාර්යාලවලදී ආරම්භ කරන බව වෛද්‍ය මහීපාල මහතා කීය.

ජුලි 05 වන දින එන්නත ලබා ගැනීමට නොහැකි වන දරුවන්ට ජුලි 6, 13, 20, 27, යන දිනවලදී ප්‍රදේශයේ සෞඛ්‍ය වෛද්‍ය නිලධාරී කාර්යාලවලදී එම එන්නත ලබා ගත හැකිය.

දරුවාට වයස අවුරුද්ද සම්පූර්ණ වීමේදී සරම්ප එන්නත ලබා දීම මෙතෙක් සිදු කළද මෙම එන්නත් මාත්‍රාව ලබා දෙන්නේ දැනට රට පුරා පැතිර යන සරම්ප වසංගත තත්ත්වයෙන් දරුවන් ආරක්ෂා කර ගැනීමේ අදිටනින් බව සෞඛ්‍ය අමාත්‍යංශය සඳහන් කරයි.

ශ්‍රියානි විජේසිංහlakbima

ලැබෙන්න ඉන්න දරුවා පුතෙක්ද දුවෙක්ද කියා සෙව්වාට ෂාරුක් ඛාන් අධිකරණය හමුවට

 

                        පසුගිය දිනවල ෂාරුක් ඛාන් සිදුවීම් දෙකක් සම්බන්ධයෙන් ලොව පුරා කතාබහට ලක් වූ අතර ඒ දෙකම පුද්ගලික සිදුවීම්. ඉන් එකක් සුබවාදී සිදුවීමක් වන අතර අනෙක ෂාරුක්ට අධිකරණයට යන්න සිද්ධවෙන ආකාරයේ සිදුවීමක්. මේ ගැන ඇතුළුව මෙවර ෂාරුක්ගේ අලුත්ම තොරතුරු කියවමු.
පසුගිය දිනයක කරන ලද
සමීක්ෂණයකින් ඉන්දියාවේ ජනප්‍රියම තාත්තා වන්නට ෂාරුක්ට අවස්ථාව ලැබුණා. නමුත් ඉන් ටික දිනකට පසු ෂාරුක්ට අධිකරණය ඉදිරියේ පෙනී සිටින ලෙස නොතීසි ලැබුණෙත් මේ පිය පදවිය නිසාම තමයි. ෂාරුක් හා ඔහුගේ බිරිය ගෞරී ගර්භාෂය කුලියට ගැනීමේ පදනම      මත කාන්තාවක් යොදවාගෙන තවත් දරුවෙකු ලබාගන්න මේ දිනවල සූදානම් වෙනවා. මේ දරුවා පුතෙක්ද නැතිනම් දුවෙක්ද කියලා ස්කෑන් පරීක්ෂණයකින් සොයාගන්න උත්සාහ කළ වරදට තමයි ෂාරුක්ට අධිකරණය ඉදිරියේ පෙනී ඉන්න සිදුවෙලා තියෙන්නේ.
ඉන්දියාවේ නීතියට අනුව දරුවෙකු ඉපදෙන්න පෙර ඔවුන්ගේ ලිංගිකත්වය සොයාබැලීම නීති විරෝධියි. ඊට හේතුව ඉන්දියාවේ බොහෝ දෙනෙක් ඉපදෙන්න ඉන්න දරුවා ගැහැනු දරුවෙකු නම් එම දරුගැබ ගබ්සා කරන්න හුරුව සිටීම නිසයි. ගැහැනු ළමයින් විවාහ කරදීමේදී ඉන්දියාවේ දෙමවුපියන්ට දෑවැදි සෙවීම විශාල ප්‍රශ්නයක් නිසයි එසේ කරන්නේ.
ඉහත ස්කෑන් පරීක්ෂණයට අනුව තමන්ට ලැබෙන්නේ පිරිමි දරුවෙකු බව ඛාන් යුවළ දැනගෙන තිබෙනවා. මෙහිදී මෙවර ඔවුන් පිරිමි දරුවෙකුම ලබාගන්න උත්සාහ දැරූ බවට ආරංචි පැතිරීමත් සමග ඉන්දීය වෛද්‍ය සංගමය පවා ඒ ක්‍රියාව හෙළා දකිමින් කියා තිබෙන්නේ ෂාරුක් වැනි තරුණ පරපුර පරමාදර්ශී චරිතයක් කොට සලකන අයෙකු මෙවැනි දෙයක් කිරීම වඩාත් ඉන්දියානු සමාජයට අයහපතක් බවයි. ඔවුන් එසේ කර තිබෙනවා නම් නීතියේ හැටියට උපරිම දඬුවම් පැමිණවිය යුතු බවත් වෛද්‍ය සංගමය ඉල්ලා තිබෙනවා. දැනට ෂාරුක් හා ගෞරීට දුවක් හා පුතෙකු ඉන්නවා. ෂාරුක්ගේ බිරිය ගෞරීට දැන් වයස අවුරුදු හතළිස් දෙකක් නිසා තවදුරටත් ගැබ්ගැනීම ඇයගේ මෙන්ම දරුවාගේ සෞඛ්‍යටත් අයහපත් නිසායි ඔවුන් මේ ආකාරයට වෙනත් කාන්තාවකගේ ගැබ කුලියට ගෙන දරුවෙකු ලබාගන්න උත්සාහ කරන්නේ. දැන් මේ දෙදෙනාගේ විවාහ ජීවිතයට අවුරුදු විසි එකක් වෙනවා.
ෂාරුක් රඟපාන අලුත්ම චිත්‍රපටය චෙන්නෙයි එක්ස්ප්‍රස් ලබන අගෝස්තු මාසයේදී තිරගතවීමට නියමිත අතර හැපි නිව් ඉයර් චිත්‍රපටයත් මේ වසරේදීම තිරගත වනු ඇති. චෙන්නෙයි එක්ස්ප්‍රස් ෂාරුක්ගේම නිෂ්පාදනයක්. පසුගියදා ෂාරුක් උරහිසේ ශල්‍යකර්මයකටත් මුහුණ දුන්නා. සාමාන්‍යයෙන් තම රසික, රසිකාවියන්ට ඉතා ලැදි ෂාරුක් ඔවුන්ව වැළඳගැනීමට නොපැකිළෙන නමුත් මේ ශල්‍යකර්මයෙන් පසු එසේ නොකරන ලෙස ෂාරුක් හමුවට එන රසික පිරිසෙන් ඔහු අසල රැඳී සිටින හිතවතුන් හා ආරක්ෂක නිලධාරීන් ඉල්ලා සිටිනවාලු.
ඇමෙරිකානු ඩොලර් මිලියන හයසියයක වත්කමක් ඇතැයි සැලකෙන ෂාරුක් ඛාන්ව වරක් ඇමෙරිකාවේ ලොස් ඇන්ජලිස් ටයිම්ස් පුවත්පත හැඳින්වූයේ “ලොව ප්‍රකටම සිනමා නළුවා” ලෙසටයි. ඇමෙරිකාවේම නිව්ස්වීක් සඟරාව ඔහු ලොව ප්‍රබලතම පුද්ගලයින් පනස්දෙනා අතරට නම්කොට තිබුණා

 

Lakbima

█ █ ආදර කතාවක් █ █ █ True Love Story

මම විවාහ උන දවසේ මම මගේ බිරිදව මගේ අත් දෙකෙන් ඔසවාගෙනයි අපේ නිවසට ආවේ. අපේ මංගල රථය අපේ නිවස ඉදිරියේ නතර කලාට පස්සේ මගේ යහලුවන් ගේ බල කිරීමට නිවස දක්වා ඇයව අත් දෙකෙන් ඔසවාගෙන යන්න සිද්ධ උනා.ඒ දවස් වල ඇය ගොඩක් ......
ලස්සනයි ඒ වගේම ගොඩක් ලැජ්ජයි.

ඒ වසර 10කට පෙර අතීතේ. අපි දෙන්නාගේ විවාහ ජීවිතේ මුල් අවදිය පිරිසිදු වතුර වීදුරුවක් වගේ බොහෝම ලස්සනවත් නිස්කලංකවත් ගෙවිලා ගියා. අපිට ලස්සන පුතෙක් ලැබුනා,මම රැකියාව අත් හැරලා මගේම ව්‍යාපාරයක් ආරම්භ කලා.ව්‍යාපාරය දියුණු වුනා. මගේ අතේ යහමින් මුදල් ගැවසුනා.මගේ බිරිද සේවය කලේ රජයේ ආයතනයක,අපි දෙන්නා හැමදාම උදේ එකටයි රැකියාවට පිටත් වුනේ. අපේ එකම පුතා අධ්‍යාපනය ලැබුවේ නගරයේ හොද පාසලක නේවාසිකව.පිටත ඉදන් බලන කෙනෙකුට පෙනුනේ අපි දෙන්නා ගොඩක් සාර්ථක පවුල් ජීවිතයක් ගත කරනවා වගේ. ඒත් අපි දෙන්නා අතර බැදීම ටික ටික අඩු වෙන බවක් මට තේරුණා.

ඈන් මගේ ජීවිතේට ආවේ මේ දවස් වල..

ඒ පැහැබර කාලගුණයක් තිබුන දවසක්. මම හිටියේ සදළුතලයට වෙලා.මේ මම ඈන් වෙනුවෙන් මිලදී ගත් තට්ටු නිවාසය....මගේ පිටුපසින් පැමිනි ඈන් මාව වැලදගත්‍තා.අපි දෙන්නා මුන ගැසුනාම ඇය මට ලබා දෙන මහත් වූ ආදරයට සහ ඇගේ ලස්සන සිරුරට මම මේ වෙනකොට වශී වෙලා හිටියේ. මම මගේ බිරිදට කරන්නේ ලොකු වරදක් බව මට තේරුනත් එය නවත්වන්න මට හැකියාවක් තිබුනේ නෑ.මේ වෙනකොට මගේ බිරිදගෙන් දික්කසාදය ලබා ගන්න බව. මම තීරණය කරලා ඉවරයි.කාලයකට ඉහත මම හිතන්නවත් කැමති වුනේ නැති 'දික්කසාදය' කියන දේ දැන් මට පෙනුනේ මගේ වර්තමාන ජීවිතෙන් මාව ගලවලා ඈන් මගේ ලගට ගේන මගේ ගැලවුම්කාරයෙක් වගේ.

නමුත් මට ලොකු ප්‍රශ්ණයක් තිබුනා. ඒ වෙන කිසිවක් නෙවේ මේ දේ මගේ බිරිදට දැනුම් දෙන්නේ කොහොමද කියලා.කොච්චර මෘදු විදියට මේ දේ මම බිරිදට කිව්වත් එයා ඒකෙන් ගොඩක් සිත් වේදනාවට පත් වෙන බව මම දැනගෙන හිටියා.අවංකවම කිව්වොත් ඇය පිරිමියෙකුට ලබන්න පුලුවන් ඉතාම හොද බිරිදක්.උදේ පාන්දර මම නිදාගෙන ඉන්නකොට ඇය තනියම උදේ ආහාරය සකසනවා, හැමදාම හවස වැඩ අවසන් කරලා ගෙදර ඇවිත් මම රූපවාහිනිය ඉස්සරහට වෙලා ඉන්නකොට ඇය රාත්‍රී ආහාරය සකසනවා, ඇය කවදාවත් අනවශ්‍ය දේට මුදල් වියදම් කලේ නෑ,හැමදෙයක්ම කරන්න කලින් මගේ මතය විමසන්නට ඇය පුරුදු වී සිටියා,අපේ පුතාගේ කටයුතු ගැන ගොඩක් සොයලා බැලුවේ ඇයයි.අවංකවම බිරිදක් වශයෙන් මට ඇගේ කිසිම අඩුපාඩුවක් පෙනුනේ නෑ.

දවසක් මම උදේ ආහරය ගන්න මොහොතේ විහිලුවට වගේ ඇගෙන් ඇහුවා"හිතන්න අපි දික්කසාද වෙනවා කියලා...ඔයා මොකද ඊට පස්සේ කරන්නේ?" කියලා.
ඇය පිලිතුරක් දුන්නේ නෑ,කෑම කන එකත් නවත්තලා මගේ දිහා තත්පර කීපයක් බලාගෙන හිටියා. දික්කසාදය කියන දේ ගැන ඇගේ සිතේ අහලකවත් නැති බව මම එයින් තේරුම් ගත්තා

ඊට පස්සේ දවසක බිරිද මගේ කාර්යාලයට ආවා. ඒ වෙනකොට ඈන් කාර්යාලයේ හිටියේ නෑ. මගේ සේවකයෝ ඇය දිහා බැලුවේ අනුකම්පා සහගතව,ඔවුන් ඇයත් සමග කතා කිරීමේදී යමක් ඇගෙන් වසන් කරන්න උත්සාහ දරන බව පෙනුනා. මේ වෙනකොට කාර්යාලයේ සියලුම සේවකයෝ මගෙත් ඈන්ගෙත් සම්බන්ධය ගැන දැනගෙනයි හිටියේ.මම හිතන්නේ සේවකයන්ගේ හැසිරීමෙන් ඇයට යම් ඉගියක් ලැබෙන්න ඇති. ඇය ඔවුන් සමග හිනා වෙලා කතාකලත් ඇගේ දෑස් වල ලොකු වේදනාවක් ඇති බව මම දුටුවා.

එදින සවස ඈන් කාර් යාලයට ආවා.

"ඔයා බෙකීගෙන් දික්කසාද වෙන්න ඉක්මනට.ඊට පස්සේ අපි දෙන්නට එකට ජීවත් වෙන්න පුලුවනි" ඇය දෑස් අඩවන් කරලා කිව්වා.

මම ඔලුව වැනුවා,තවදුරටත් පමා වීමෙන් පලක් නෑ කියලා මට හිතුනා.එදා රාත්‍රී ආහාර වේල ඉවර වෙලා බිරිද නැගිටින්න යනකොට මම හිතට ධෛර්ය අරගෙන කතාව පටන් ගත්තා.

"බෙකී පොඩ්ඩක් ඉන්න,මට ටිකක් කතා කරන්න ඕනි ඔයා එක්ක"

ඇය යලිත් වාඩි වෙලා මේසය දිහා බලාගෙන හිටියා.මම ආයෙත් දැක්කා ඇගේ දෑස් වල සැගවිලා තියන වේදනාව..මට කතා කරගන්න බැරි උනා,උගුරේ යමක් හිරවෙලා තියනවා වගේ තේරුනා.
ඒත් මම ඇයට කියන්න ඕනෙ මට ඇගෙන් දික්කසාද වෙන්න අවශ්‍ය බව..මම හෙමින් හෙමින් මගේ ඉල්ලීම ඇයට ඉදිරිපත් කලා,නමුත් ඇය ඒ වචන වලට ගොඩක් සැලුන ආකාරයක් පෙනුනේ නෑ.අවසානයේ ඇය ඇහුවේ එකම එක ප්‍රශ්ණයක් විතරයි,


"ඇයි"

මට දෙන්න උත්තරයක් නැති ප්‍රශ්ණයත් එයයි. මම ඒ ප්‍රශ්ණෙට උත්තරයක් නොදී මග හැරියා.

"ඔයා මිනිහෙක් නෙවේ" ඇය ඇගේ කෝපය පිට කලේ එහෙම.

ඊට පස්සේ එදා රෑ අපි දෙන්නා වචනයක්වත් කතා කලේ නෑ. රාත්‍රිය පුරාම ඇය ඉකිබිදින ශබ්දය මට ඇහුනා.අපේ විවාහ ජීවිතේ දෙදරා යන්න හේතුව දැන ගන්න ඇයට අවශ්‍ය බව මට තේරුනත් ඒ සදහා දිය යුතු පිලිතුරක් මගේ සතුව තිබුනේ නෑ.එකම හේතුව ඈන්,ඇගේ ලස්සන සිරුරටත් ඇය මට ලබා දෙන ආදරයටත් මම වශී වෙලා,නමුත් මට ඒ බව බෙකී සමග පැවසීමේ හැකියාවක් නෑ.

ඊට පහුවදා මම අපේ දික්කසාද කොන්දේසි ලියවිල්ල සකස් කලා. අපි ජීවත් වන නිවස, අපේ මෝටර් රථය සහ මගේ ව්‍යාපාරයෙන් 30%ක් මම එයින් ඇයට පැවරුවා. මම ඒක ඉදිරිපත් කලාම ඒ දෙසවත් නොබලා එය කෑලි කෑලි වලට ඉරා දැමූ ඇය යලිත් ඉකිගසමින් වැලපුනා. මගේ හිතට යලිත් වරදකාරී හැගීමක් දැනුනා.ඇය කවදාවත් මිල මුදල් වලට ආශා කල කාන්තාවක් නොවේ.

පහුවදා මම වැඩ අවසන් වෙලා එනකොට ප්‍රමාද වුනේ මගේ ගනුදෙනුකරුවන් සමග පැවති සාදයක් හේතුවෙන්. මම එනකොටත් ඇය අවදියෙන්.මගේ ලගට පැමිනි ඇය යම් ලියැවිල්ලක් මට ලබා දුන්නා.ඒ ඇගේ දික්කසාද කොන්දේසි.
ඇයට මගෙන් කිසිවක් අවශ්‍ය නෑ. නමුත් ඇයට දික්කසාදයට මසක කාලයක් අවශ්‍ය බව එහි සටහන් වුනා. ඒ මසක කාලය අපි කලින් හිටියා වගේම සාමාන්‍ය විදියට ජීවත් වෙන්න ඕනෙ.ඇය හේතුව ලෙස දක්වා තිබුනේ අපේ පුතා. ඔහු මේ දවස් වල පාසල් නිවාඩුව සදහා නිවසට පැමින සිටින අතර තව මාසයක් ඔහු නිවසේ සිටිනවා. ඒ මාසය ඇතුලත තම දෙමව්පියන් වෙන් වනවා ඔහුට පෙන්වීමට අවශ්‍ය නොවන බව ඇය දන්වා සිටියා.

මම කොන්දේසි පත්‍රය දිහා බලන් ඉන්නකොට ඇය කතා කලා

"ජැක්...ඔයාට මතකද අපි බැදපු දවසේ ගෙදරට ආපු විදිය?"

මේ ප්‍රශ්ණයෙන් මගේ මතකය තවමත් සුන්දර මතකයක් විදියට මගේ හිතේ තැන්පත් වෙලා තියන අපේ විවාහ දවසට ඇදිලා ගියා.

"හ්ම්ම්...ඔව් මතකයි"මම කිව්වා.

"ඔයා එදා මාව අත් දෙකෙන් ඔසවාගෙනයි ආවේ" ඇය දිගටම කතා කලා.

"මගේ ඉල්ලීමක් තියනවා...අපි දික්කසාද වෙන දවසෙත් ඔයා මාව නිදන කාමරේ ඉදලා ගෙදරින් එලියට අත් දෙකෙන් ඔසවාගෙන යන්න ඕනෙ,හරියට අපේ මංගල දවසේ වගේ...අද ඉදලා අපි දික්කසාද වෙන දවස දක්වා තියන මාසේ ඇතුලතත් හැමදාම ඔයා මාව නිදන කාමරේ ඉදලා ගෙදරින් එලියට අත් දෙකෙන් ඔසවාගෙන යන්න ඕනෙ"

"හා..." මම හිනා වෙලා ඇගේ අහිංසක ඉල්ලීමට එකග වුනා.

පහුවදා ඈන් හමුවුන වෙලාවේ බෙකීගේ ඉල්ලීම මම ඇයට පැවසුවා. මහ හඩින් සිනා සුන ඇය පැවසුවේ එය මහ මෝඩ ඉල්ලීමක් බවයි.

"එයා මොන මොන සෙල්ලම් දැම්මත් මාසෙකට පස්සේ එයාට දික්කසාද වෙන්න වෙයි"ඇය සමච්චල් සහගත ලෙස පැවසුවා.

දික්කසාදය පිලිබද බෙකීට දැනුම් දුන්න දවසේ ඉදලා අපි දෙන්නා අතරේ කිසිම සම්බන්ධයක් තිබුනේ නෑ,අපි ජීවත් වුනේ ආගන්තුකයෝ දෙන්නෙක් වගේ. ඒ නිසා පලවෙනි දවසේ මම ඇයව අත් දෙකෙන් ඔසවාගෙන යනකොට අපි දෙන්නාව පෙනුනේ බොහෝම අවලක්‍ෂණව,අපි දෙන්නම ගොඩක් අපහසුවෙන් ඒ අවස්ථාවට මුහුන දුන්නේ.

"මෙන්න තාත්තා අම්මාව උස්සගෙන යනවා..." අපේ පුතා අපිව දැකලා සතුටෙනුත් පුදුමෙනුත් අත්පොලසන් දෙමින් කෑ ගැසුවා.

ඒ වචන වලින් මට දැනුනේ ලොකු වේදනාවක්.

"අපි අද ඉදලා පටන් ගමු...මේ ගැන පුතාට දැන ගන්න දෙන්න එපා" නිවසින් එලියට ආ පසු ඇය සෙමින් පැවසුවා.මම ඔලුව සොලවා ඇයට එකග වුනා.

දෙවෙනි දවසේ පලවෙනි දවසට වඩා පහසුවෙන් අපි දෙන්නම හැසිරුනා. ඇය මගේ පපුවට බර වුනා. අපි දෙන්නා ගොඩක් ළං වුන නිසා මට ඇගේ විලවුන් වල සුවද දැනුනා.මට මතක් වුනා මට ගොඩක් ලෙන්ගතුව සිටි මේ කාන්තාව ගැන මම දිගු කාලෙකින් හරියට සොයා බැලුවේ නැති බව....ඇගේ මුහුනේ පැහැදිලි ලෙස රැලි දක්නට ලැබුනා,ඇය පෙර මෙන් තරුණ නැති බව මට වැටහුනා.

තුන් වෙනි දවසේ ඇයව ඔසවාගෙන යනකොට ඇය මගේ කනට කරලා මෙහෙම කිව්වා,
"ඊයේ වැස්සට මිදුල මඩ වෙලා...පරිස්සමින් යන්න"

හතරවෙනි දවසේ මම ඇයව ඔසවා ගන්නකොට මට දැනුනේ අපි දෙන්නා තවම කලින් ආදරෙන් හිටිය පෙම්වතුන් යුවලමයි කියලා. ඈන් පිලිබදව මගේ තිබුන මතකය ටිකක් විතර අපැහැදිලි වෙලා බවත් මට වැටහුනා.

පස්වෙනි සහ හයවෙනි දවස් වලත් මම ඇයව ඔසවාගෙන එනකොට ඇය මගේ කනට කරලා යම් යම් දේවල් පැවසුවා, සෝදලා මැදපු මගේ ඇදුම් තියලා තියන තැන්,උයනකොට ප්‍රවේශම් වෙන්න වගේ පොඩි පොඩි දේවල්.
මට දැනුනා මේ වෙනකොට අපි දෙන්නාගේ බැදීම තවත් වැඩි වෙලා තියන බව.මම ඈන්ට ඒ බව කිව්වේ නෑ

දවසින් දවස මට තේරුණා ඇයව ඔසවාගෙන යාම වඩ වඩා පහසු වන බව,මට හිතුනේ දවසින් දවස මම ශක්තිමත් වෙනවා කියලා. දවසක් උදේ ලෑස්ති වෙනකොට මම මේ බව බෙකීට කිව්වා,ඒ වෙනකොට ඇය අදින්න ඇදුමක් තෝරනවා.ඇය සූදානම් වෙනකන් මම බලාගෙන හිටියේ ඇයව ඔසවාගෙන යන්න..,

"බලන්නකෝ මේ හැම ඇදුමක්ම දැන් මට ලොකුයිනේ" ඇය කනස්සල්ලෙන් පැවසුවා.මම එයට සිනා සුනත් මට තේරුනා දවසින් දවස ඇයව ඔසවාගෙන යෑම පහසු වෙන්නේ දවසින් දවස ඇය කෙට්ටු වන නිසා මිසක් මම ශක්තිමත් වන නිසා නොවන බව..ඇය ඇගේ වේදනාවන් සියල්ල හදවතේ සිරකරගෙන සිටින බව මට වැටහුනා.මට ඇය ගැන දැනුනේ ලොකු වේදනාවක්.මටත් නොදැනුවත්වම මම ඇගේ හිස අත ගෑවා.මේ වෙලාවේ අපේ පුතා කාමරේට පැමිනියා

"තාත්තේ අම්මව ඔසවගෙන යන්න වෙලාව හරි" ඔහු කෑ ගැසුවා.


මම බෙකීව ඔසවගෙන යනවා නැරඹීම දැන් ඔහුගේ ජීවිතේ අත්‍යවශ්‍ය අංගයක් වෙලා. තමන්ගේ ලගට එන්න කියලා පුතාට ඉගි කරපු ඇය පුතාව තදින් බදා ගත්තා.මම හිස හරව ගත්තේ මගේ දෑසට නැගුන කදුලු ඇය දකීවි කියලා.දික්කසාදය පිලිබද මගේ තීරණය වෙනස් වේවි කියලා මට බය හිතුනා.මම ඇයව ඔසවා ගත්තා,ඇය අතක් මගේ ගෙල වටා දැම්මා,මම ඇයව මගේ ඇගට තද කර ගත්තා,හරියටම අපේ විවාහ දිනයේදී වගේ.

දවසි දවස ගෙවිලා ගිහින් අවසන් දිනය උදා වුනා. මම ඇයව ඔසවා ගත්තත් මට ඉදිරියට යන්න අපහසු බව තේරුනා. අපේ පුතා මේ වෙලාවේ පාසල් ගිහින් තිබුනේ.

"මම හිතුවා අපි මහලු වෙනකන්ම ඔයා මාව එදා වගේ ඔසවාගෙන යාවි කියලා" ඇය හෙමින් කිව්වා,ඇගේ දෑස් වල කදුලු පිරිලා.

"අපි දෙන්නම තේරුම් ගත්තේ නෑ අපි දෙන්නගේ ජීවිත වලට ඒ වගේ බැදීමක් අවශ්‍ය බව" මම ඇයව මගේ සිරුරට තද කර ගන්න ගමන් කිව්වා.

මට වැටහුනා මම කල යුතු දේ.මම වේගයෙන් මෝටර් රථය පදවගෙන කෙලින්ම ගියේ කාර්යාලයට, මෝටර් රථයෙන් බැස්ස මම ගියේ ඈන් ලගට.

"මම දික්කසාද වෙන්නේ නෑ..." මම ඇයට කිව්වා.ඇය සිතුවේ මම විහිලුවක් කරනවා කියලා,ඇය සිනා සුනා.

"මම මේ කියන්නේ ඇත්ත...මම දික්කසාද වෙන්නේ නෑ"

ඇය මගේ දිහා පුදුම වෙලා බැලුවා.
"ඔයාට උන හැදිලාද?" ඇය මගේ නලලට අත තියන ගමන් කිව්වා.

"මට සමාවෙන්න ඈන්... මම බෙකීගෙන් දික්කසාද වෙන්නේ නෑ...මම මේ ඇත්ත කියන්නේ...මගේ විවාහ ජීවිතේ ඒකාකාරී උනේ අපි දෙන්නට දෙන්නා ආදරේ නැති නිසා නෙවේ...අපි දෙන්නා ජීවිතේ කුඩා දේවල් වල තියන අගය තේරුම් ගත්තේ නැති නිසා...මම දැන් තේරුම් අරන් තියෙන්නේ මම ඇයව මංගල දිනයේ ඔසවාගෙන ආපු මොහොතේ ඉදලා,ඇය අපේ දරුවාව බිහි කල මොහොතේ ඉදලා මම මිය යනකන්ම ඇයව ඔසවාගෙන යන්න අවශ්‍ය බව,මට ඒ බව තේරුනේ පහුගිය මාසය පුරාම මම බෙකීව ඔසවාගෙන යනකොට,මට සමාවෙන්න"""

ඈන් හදිසියේ සිහිනයකින් අවදි වුනා වගේ ඇයට සියල්ල වැටහුනා...මගේ කම්මුලට තදින් පහරක් ගැසූ ඇය හඩමින් කාර්යාලයෙන් ඉවතට දිව ගියා.

මම බෙකීට ඇමතුමක් දීලා කිව්වා මම ඇයව හමුවෙන්න එන බව.
ඇය හමු වීමට යන අතරතුර,මල් සාප්පුවකට ගොඩ වැදුනු මම එයින් ඇය කැමතිම වර්ගයේ මල් කළඹක් ඇනවුම් කලා.මල් සාප්පුවේ සිටි ගැහැණු ළමයා මට කිව්වා කාඩ් පතේ මගේ සුභ පැතීම සටහන් කරන්න කියලා.

"මම මිය යන තුරු හැමදාම උදේට ඔයාව ඔසවාගෙන යන්නම්" කියා මම එහි සටහන් කලා.